النبع بتطلّ عليه بناية طابقين، وكان في ناس عم يتفرجوا عالزلمي من الشبّاك، وما كانوا ينزلوا يشوفوا شو باه.

أملنا مرتبط بجيل جديد واعي، جيل بينبذ الطائفيّة، وبيحبّذ التوافق.

لبنان أخد نصيبُه من هالحرب، وصار فيه مجاعة قويّة بسبب إقفال المرافئ، وكمان المعابر البرّية.

القصف المدفعي وقصف الطيران كان يوحيلنا إنُّه رح يخرب لبنان وما يعود في لبنان نهائيًّا.

كنا نقعد بالملاجئ وننطر تا يخفّ القصف لنروح عالفرن ونجيب ربطة خبز للولاد.

يا منطفّي الكهربا يا مندهن القزاز أزرق، منشان الطيّارات ما تشوفنا.

اللبناني شو ما يصير معُه مشاكل وحروب، بيطلع منها، وبيرجع لحياتُه، وما بيفقد الأمل.

تعرّضت لأزمة قلبية قويّة، ونقلوني لمستشفى عين وزين، ويمكن الحياة فارقتني شوي.

كلّن جيران من كلّ الطوايف، بيحبّوا بعضُن، بس الحكّام بيحرضوهن عا بعض.

رح خبّر خبريّة زغيرة شو كانوا يعملوا فينا ببداية الاحتلال.

كنّا مبسوطين لأنُّه كان في نظام، والبيت اللّي .ما فيه نظام ما فيه حياة

فجأة بيدعس شب معنا عا لغم أرضي وبينفجر انصبت بوجّي وفقدت نظري بهيداك الوقت.

من نكد الدهر، لمّا يصير إسمك تهمة، هويتك تهمة، وطايفتك تهمة.

كنّا ندرس كلّ السنة، وبالأخير يقولولنا التغت السنة بسبب الحرب.

تعرّضت المنطقة لعدّة هجومات من قبل الأحزاب، ووقع عنّا ضحايا.

أخدت الوالدة عالأشرفيّة، جمعة ما قدرنا شفناها. وعذاب وزعل ورصاص وقذايف.

كل هيدي الأمور وصّلتنا لوقت الناس بدّا مصرياتا يللّي حطّتا بالبنك.

انقلبت هذه المطالب إلى فِتن ما أدّى إلى حرب أهليّة استمرّت لسنة 1960.

بعتوا لإبني تا يجيب، صاروا يقولوا ما تعطونش هودي مهجّرين شو بدكُن فيهُن.

كانوا الناس متل الجراد، كلّ واحد كان يروح عا منطقة.

قمنا على شو خبرية، إنُّه بدّن يفوتوا يقتحموا النبعة ويدبحوا العالم.

أقسى شي عاشته عيلتي كان فقدان خيّي اللّي مات بسبب القصف، وهالشي ولا يمكن يتعوّض

أزمات بنزين، أزمات غاز، ويصير في احتكار وغلا بالأسعار، بس كان في مصاري مع العالم.

صار وجّي أصفر، فا عملتلي مكياج عشان الأحزاب اللّي عاملين حواجز ما يشوفوني خايفة.

كانت الخسارة كبيرة. مات كتير من العسكر يللّي قاوموا للنّفَس الأخير.

من دون سابق إنذار، بلّشت قذايف الهاون تنزل متل الشتي هون وهونيك.

انقصفت المقرّات وانقصف بيت لآل الرفاعي، بعد ما عرفوا إنُّه مقرّ اجتماعات.

الشعب اللبناني شعب متعايش، ولبنان مميّز بحضارته. هوّي بلد اخترع الأبجديّة ونشرها حول العالم.