القصف المدفعي وقصف الطيران كان يوحيلنا إنُّه رح يخرب لبنان وما يعود في لبنان نهائيًّا.

نحنا وزغار، ما كانوا يشرحولنا أهلنا هالإشيا يلّي هلّاء عم نشرحا لولادنا.

كنا نقعد بالملاجئ وننطر تا يخفّ القصف لنروح عالفرن ونجيب ربطة خبز للولاد.

ريتو ما حدا يشرب من هالكاس، ونشالله العالم كلّا تحبّ بعضا.

يا منطفّي الكهربا يا مندهن القزاز أزرق، منشان الطيّارات ما تشوفنا.

بشوف واحد، شحبار أسود وزفت عا وجُّه، وقلّي: شو ما عرفتني؟ أنا بيّك.

كنّا لنجيب ربطة الخبز، إيّام نقطع من منطقة لمنطقة تا نأمّن أكل لعيالنا.

كنّا شباب ومندفعين، وكل واحد حمل سلاح وركض.

بعلمي ما في شي، بس إمشي عالطريق تنزل القذيفة يا قدّامي يا ورايي.  

كنا نضوّي الشمع، وأوقات نخاف نضوّي شمعة مشان ما يقصفونا.

كان بيتنا عا خطوط التماس. ومن ورا الحرب انتقلنا عا منطقة غير لنعيش فيها.

أوّل مرّة بيمرّ عا لبنان حرب أهليّة، ما كانت حرب مع العدوّ “الإسرائيلي”.