هيدا رجال الكفيّة، كان فيه يقتلني، بس عرفني، وعرف إنّه في خبز وملح بيناتنا

وأني أنطر وأنطر، تأخر الوقت وما إجا خيّي. تعجّبت، ورجعت لحالي!

ما تخافي، يا منعيش كلنا سوا، يا منموت كلنا سوا. يعني سوا عالحلوة والمرّة.

البنت فكّرناها ماتت، فا حطّيناها تحت ليمونة قدّام بيت عديلي.

راح وقتا ضحايا حوالي 375 شخص ببحمدون بس، فاضطرّينا نهرب صوب دير القمر بالشوف.

يلّي أنقذنا هوّي السيّد موسى الصدر، كان بالأشرفيّة وقطّع الناس من النبعة للمنطقة الغربيّة.

قوّصه بنصّ دين قلبه لأنّه ما ركع. يا ريته ركع. لأنّه بمَوْتِة خيّي دمّر عيلة.

ولا مرّة أثّرت الحرب على علاقاتنا مع أصحابنا يللّي عالميلة التانية من خطّ التّماس.

جاري المسلم اهتمّ ببيتي، وقفّل البواب لمّا حاول الحراميّة يسرقوا بيتي.

كنت دقّ الكبة عالبلاطة، وتجي جارتي الأرمنيّة تقلّي: شو طيّب الأكل من تحت ديّاتِك.

أنا بيتي معمرُه بتعب وعرق جبيني، أنا ما بدّي أقعد هون، بدي إرجع على بيتي.

كانت العالم تروح مشي ويحملوا الجهاز عالهودج عالجمل وهيي يركبوها عا فرس.

الصبي جايي من شمسطار مسافة 35 كلم حامل سطيلة لبن. هيدي بعد بتصير اليوم؟

هالحادثة ما بنساها بحياتي كلّا، وبعدنا لهلّاء صحبة معُن، وبعدُه بيتُن بعيتات.

فتحت الشبّاك تا شوف من وين الصوت، وبتنزل قذيفة تحت الشبّاك دغري.

مبدأي الإنسانية والعلمانيّة وعدم الطائفيّة وعدم المذهبيّة.

يا منطفّي الكهربا يا مندهن القزاز أزرق، منشان الطيّارات ما تشوفنا.

ريتو ما حدا يشرب من هالكاس، ونشالله العالم كلّا تحبّ بعضا.

كنا نقعد بالملاجئ وننطر تا يخفّ القصف لنروح عالفرن ونجيب ربطة خبز للولاد.

نحنا وزغار، ما كانوا يشرحولنا أهلنا هالإشيا يلّي هلّاء عم نشرحا لولادنا.

القصف المدفعي وقصف الطيران كان يوحيلنا إنُّه رح يخرب لبنان وما يعود في لبنان نهائيًّا.

قرّرت انتقل من الصورة اللّي كلّا دم وقتل وعنف، للطبيعة اللبنانيّة.

لما بقول عذاب كلمة عذاب كتير زغيرة قدّام يللّي مرقت فيه، بس كان عندي أمل.

عرفوا إنّا وصلنا عا بعلبك، ناس أوادم، قاموا جابوا كميون مليان، فضّوا بيتُن وجابولنا ياه.

لبنان أخد نصيبُه من هالحرب، وصار فيه مجاعة قويّة بسبب إقفال المرافئ، وكمان المعابر البرّية.

منيأس شي؟ أكيد لاء، لأنُّه إلهنا إله الرجاء والأمل، وشبيبتنا هنّي ولادنا وهنّي أملنا الوحيد. 

في سنة عقصتني الحيّة بموسم الدخّان، والموسم كلّه راح ما طلع منّه شي.

أنا إبكي وهوي يبكي وإجت مرتُه كمان عبطتني. تلاتين سنة بعاد عن بعضنا!

وجبت مكنة الخياطة من بعد ما كان انصاب البيت بالأحداث واحترق قسم منّه.

ولو ما حطّت وجودا كلُّه سوا بهالمدرسة تبع البنات، المدرسة كانت فشلت.

: عيب علينا نحنا إنُّه نكبّ زبالتنا بالجنّة يللّي عايشين فيها.

قلتلُّن شفت مشروع تزلّج حلو كتير بأوروبا، وأنا مستعد جيبُه لهون ونعمل واحد بالأرز.

أملنا مرتبط بجيل جديد واعي، جيل بينبذ الطائفيّة، وبيحبّذ التوافق.

النبع بتطلّ عليه بناية طابقين، وكان في ناس عم يتفرجوا عالزلمي من الشبّاك، وما كانوا ينزلوا يشوفوا شو باه.

وصلت لخطر الموت، تكسّر كل جسمي، وبقيت بالتخت ٣ أشهر مزروب بالأوضة

بيني وبين الزبالة قصة حبّ؛ الناس بيشوفوَا مشكلة، أنا بشوفا مصدر إنتاج