القصف المدفعي وقصف الطيران كان يوحيلنا إنُّه رح يخرب لبنان وما يعود في لبنان نهائيًّا.

نحنا وزغار، ما كانوا يشرحولنا أهلنا هالإشيا يلّي هلّاء عم نشرحا لولادنا.

كنا نقعد بالملاجئ وننطر تا يخفّ القصف لنروح عالفرن ونجيب ربطة خبز للولاد.

ريتو ما حدا يشرب من هالكاس، ونشالله العالم كلّا تحبّ بعضا.

يا منطفّي الكهربا يا مندهن القزاز أزرق، منشان الطيّارات ما تشوفنا.

بشوف واحد، شحبار أسود وزفت عا وجُّه، وقلّي: شو ما عرفتني؟ أنا بيّك.

بحروب الكبار، الطفولة ما إلها ذنب. الطفولة لازم تتقدّس.

مبدأي الإنسانية والعلمانيّة وعدم الطائفيّة وعدم المذهبيّة.

أنا ورفقاتي، لا أكل ولا شرب، وبالعتمة مطمّشن، وسيطروا عا سلاحنا وعلينا من كلّ النواحي.

فتحت الشبّاك تا شوف من وين الصوت، وبتنزل قذيفة تحت الشبّاك دغري.

اللبناني شو ما يصير معُه مشاكل وحروب، بيطلع منها، وبيرجع لحياتُه، وما بيفقد الأمل.

هالحادثة ما بنساها بحياتي كلّا، وبعدنا لهلّاء صحبة معُن، وبعدُه بيتُن بعيتات.

الصبي جايي من شمسطار مسافة 35 كلم حامل سطيلة لبن. هيدي بعد بتصير اليوم؟

تعرّضت لأزمة قلبية قويّة، ونقلوني لمستشفى عين وزين، ويمكن الحياة فارقتني شوي.

كلّن جيران من كلّ الطوايف، بيحبّوا بعضُن، بس الحكّام بيحرضوهن عا بعض.