بيني وبين الزبالة قصة حبّ؛ الناس بيشوفوَا مشكلة، أنا بشوفا مصدر إنتاج

وصلت لخطر الموت، تكسّر كل جسمي، وبقيت بالتخت ٣ أشهر مزروب بالأوضة

النبع بتطلّ عليه بناية طابقين، وكان في ناس عم يتفرجوا عالزلمي من الشبّاك، وما كانوا ينزلوا يشوفوا شو باه.

أملنا مرتبط بجيل جديد واعي، جيل بينبذ الطائفيّة، وبيحبّذ التوافق.

قلتلُّن شفت مشروع تزلّج حلو كتير بأوروبا، وأنا مستعد جيبُه لهون ونعمل واحد بالأرز.

: عيب علينا نحنا إنُّه نكبّ زبالتنا بالجنّة يللّي عايشين فيها.

ولو ما حطّت وجودا كلُّه سوا بهالمدرسة تبع البنات، المدرسة كانت فشلت.

وجبت مكنة الخياطة من بعد ما كان انصاب البيت بالأحداث واحترق قسم منّه.

أنا إبكي وهوي يبكي وإجت مرتُه كمان عبطتني. تلاتين سنة بعاد عن بعضنا!

في سنة عقصتني الحيّة بموسم الدخّان، والموسم كلّه راح ما طلع منّه شي.

منيأس شي؟ أكيد لاء، لأنُّه إلهنا إله الرجاء والأمل، وشبيبتنا هنّي ولادنا وهنّي أملنا الوحيد. 

لبنان أخد نصيبُه من هالحرب، وصار فيه مجاعة قويّة بسبب إقفال المرافئ، وكمان المعابر البرّية.

عرفوا إنّا وصلنا عا بعلبك، ناس أوادم، قاموا جابوا كميون مليان، فضّوا بيتُن وجابولنا ياه.

لما بقول عذاب كلمة عذاب كتير زغيرة قدّام يللّي مرقت فيه، بس كان عندي أمل.

قرّرت انتقل من الصورة اللّي كلّا دم وقتل وعنف، للطبيعة اللبنانيّة.

القصف المدفعي وقصف الطيران كان يوحيلنا إنُّه رح يخرب لبنان وما يعود في لبنان نهائيًّا.

نحنا وزغار، ما كانوا يشرحولنا أهلنا هالإشيا يلّي هلّاء عم نشرحا لولادنا.

كنا نقعد بالملاجئ وننطر تا يخفّ القصف لنروح عالفرن ونجيب ربطة خبز للولاد.

ريتو ما حدا يشرب من هالكاس، ونشالله العالم كلّا تحبّ بعضا.

يا منطفّي الكهربا يا مندهن القزاز أزرق، منشان الطيّارات ما تشوفنا.

بحروب الكبار، الطفولة ما إلها ذنب. الطفولة لازم تتقدّس.

أنا ورفقاتي، لا أكل ولا شرب، وبالعتمة مطمّشن، وسيطروا عا سلاحنا وعلينا من كلّ النواحي.

فقلتلُّن: لو بدّي موت كنت متت بقرطبا مكان الحادث، وما كانت أنقذتني العدرا.

نكون قاعدين، وفجأة نسمع قواص وقذايف، فدغري ننزل عَالملجأ.

مرقت عا لبنان. حرب ما خلّت حدا ينام ببيتُه، ولا يتهنّى بعيشتُه.

عصّب الدكتور لأنُّه حسّ إنُّن عم يستغلّوا إنتاجُه الفكري.

أهل الضيعة خافوا وطلعنا كلنا من الضيعة حطّينا غراضنا بالسيّارة ومشينا عا زحلة.

الغصّة كانت بقلبي إنّه ولادي بعاد عنّي، وما بعرف إذا عم ياكلوا.

ساعة نتضحك،  ساعة نبكي، فزعانين، قاعدين وناطرين، ليوقف القصف وكل مين يروح عا بيتُه.

وهالحروب بتصير بسبب مصالح خاصة لخدمة دول تانية، بيتدمّر البلد وبيضيع الشعب.

كنّا شي 12 مقاتل، وهنّي كانوا مش أقلّ من 25 مقاتل، وقدرنا نوقّف الهجوم.

ركضوا كلُّن وقالوا هيدا الزلمي يمكن مات، وأنا ما صرلي شي، انخزقت البدلة شوي.

الشمس ما توصل لعنّا، وصوت الطيران والقنابل هوّي الوحيد اللّي نسمعُه.

قالتلي: يا إمّي ما في أكل. قلتلّا طب حطّيلي خبز وزيتون. قالتلي: ما في خبز.

الإنسان لمّا بيقفد عزيز، لا تفكروا إنُّه بيوم من الإيّام بيقدر ينساه. أبدًا… ما حدا بهالكون بيقدر ينسى أحبابُه اللّي

كنّا نتخبّى متل الفيران بالزوايا، يفوت علينا شظايا عالبيوت، ننطر تا يخلص القصف تا نطلع.

صرنا نطعميهن زوم عدس، مجدرة، من هالمأكولات اللّي تطبخا المرا.

لمّا رحت جيب أوّل نقلة من المصابين، شفت بيتي عم يحترق، وفضّلت جيب الجرحى وساعدُن.